Pages

Thursday, 8 March 2012

Puisi Sunda

WASIAT KONGLOMERAT
(Taufik Faturahman, 1992, Galura No. 38)

Lamun Apih Paeh
Pangbungkuskeun ku salambar boeh
Ladang ngeleketek
Tina rupa-rupa proyek

Lamun Apih nemahan pati
Pang mesenkeun padung jati
Ladang ngumpulkeun komisi
Jeung rupa-rupa korupsi

Kontrak-kontrak nu can di teken
Jeung SPK-SPK nu can dilaksanakeun
Awurkeun luhureun paesan
Na tetengger heug tulisan

Parantos mulang ka kalangenan

Apih,....Kolomerat tuladan



LAGU HIRUP
( Eddy D. Iskandar, 1992)

Unggal poe unggal lengkah
Nataan tanggal dina kalender
Angger aya nu di arep-arep
Ari umur melesat henteu kajeueung

Dina beja dina carita
Teu weleh aya nu miheulaan
Warna-warni kajadian, teu kapireng
Da puguh katalimbeng rusiah

Dina sakeclak cimata aya kasedih
Nu teu kedal dina kongkolak
Kahirupan aya nu miang
Teu mulang deui

Reaksi: